Ubuntu Tribe: tribala eta birala

Ez dakizu Ubuntu Tribe zer den? Ez al duzu honi buruz ezer entzun azkenaldian? Ubuntu Basque Tribe elkartea dago guzti honen atzetik.

Ubuntu Tribe filma software askea garatzen duen euskal komunitatean oinarritua dago. Gaur egun arazo ugari ditu teknologia berrien abiaduraren eraginez behar bezala eraldatzeko. Halabaina, komunitate honen ahaleginak mementuz euskara informazioaren teknologia berrien trenetik ez erortzea lortu du. Izan ere, edonolako aplikazioen garapen eta erabilpena izugarria da populazio euskaldunarekin alderatuz gero.

Gehiago jakin nahi baduzu: Manifestua

Promozio materiala eta kredituak

• Kartela (Ciro Catuttoren jatorrizko argazki baten gainean eginda dago.)
• Trailerra (Sarobe Zine eta Bideo Eskolako ikasle batzuen laguntzarekin egina)
• Trailerreko musika Delorean taldearena da.

Hazruido izeneko marketing biral txapelketan parte hartzen duen ekimen bat da era berean Ubuntu Tribe. Bilboko Alianzo eta Madrilgo MediaContacts enpresek antolatzen dute.

Zorterik hoberena opa diet, ekimena bera kuriosoa dela iruditu zaidalako. Animo, pozgarria da proiektua eta idea berarekiko horrenbesteko ilusioa duen jendea ikustea eta.